Fyrirlestur um íslensk mannanöfn í íslensku táknmáli

Fyrirlestur um íslensk mannanöfn í íslensku táknmáli

Fræðslufundur á vegum Nafnfræðifélagsins verður haldinn laugardaginn 23. mars kl. 13.15 í stofu 201 í Odda, húsi Háskóla Íslands.

Kristín Lena Þorvaldsdóttir, forstöðumaður Samskiptamiðstöðvar heyrnarlausra og heyrnarskertra flytur fyrirlestur sem hún nefnir Íslensk mannanöfn í íslensku táknmáli.


Í fyrirlestrinum mun Kristín Lena fjalla um svokölluð nafnatákn í íslensku táknmáli. Nafnatákn gegna sams konar hlutverki í íslensku táknmáli og mannanöfn í íslensku. Þeir sem tilheyra íslenska táknmálssamfélaginu, eða tengjast því á einhvern hátt fá nafnatákn, auk nokkurra þjóðþekktra einstaklinga. Myndun nafnatákna lýtur sömu reglum og myndun annarra tákna í íslensku táknmáli en ákveðnar sérreglur gilda þó um nafngiftina.

Fyrirlesturinn er ókeypis og öllum opinn.

Fyrirlesturinn verður túlkaður á íslenskt táknmál.

Grein rituð þann 18.03.2019