Starfsemi í ljósi neyðarstigs Almannavarna og samkomubanns stjórnvalda

Starfsemi í ljósi neyðarstigs Almannavarna og samkomubanns stjórnvalda

Í ljósi neyðarstigs Almannavarna og samkomubanns stjórnvalda vegna COVID-19 mun verða breyting á þjónustu Samskiptamiðstöðvar heyrnarlausra og heyrnarskertra á meðan það er í gildi. Fjarþjónusta verður veitt á öllum fagsviðum eftir því sem kostur er. Samkvæmt fyrirmælum yfirvalda um samkomubann eru viðburðir þar sem fleiri en 10 manns koma saman óheimilir og tryggja þarf að nánd milli manna sé a.m.k. 2 metrar. Starfsfólk Samskiptamiðstöðvar mun fylgja þessum fyrirmælum í hvívetna.

Myndsímatúlkun verður opin alla virka daga kl. 9-16. Myndsímatúlkun fer fram í gegnum Skype og Teams og er notendanafn þjónustunnar myndsimatulkun eða myndsimatulkun@shh.is.

Öllum viðskipavinum stendur til boða fjartúlkun eftir því sem kostur er. Þá mætir ekki túlkur á staðinn heldur fer túlkun fram í gegnum tölvubúnað eða snjalltæki viðskiptavina. Fjartúlkun þarf að panta fyrirfram hjá túlkaþjónustunni. Fjartúlkun fer fram í gegnum Teams og er notendum sendur tölvupóstur með upplýsingu um tengingu við túlk.

Ráðgjöf og kennsla fyrir fjölskyldur barna með skerta heyrn verður í formi fjarþjónustu á meðan neyðarstig er í gildi eftir því sem kostur er. Fjölskyldurráðgjafi setur sig í samband við þær fjölskyldur sem þegar eru í þjónustu hjá stofnuninni.

Engin táknmálskennsla fer fram innan stofnunarinnar og kennsla utan hennar verður í samræmi við fyrirmæli yfirvalda. Viðskiptavinum verða kynntir möguleikar til fjarkennslu eftir því sem kostur er.

Í samræmi við viðbragðsáætlun stofnunarinnar verður móttakan lokuð á meðan samkomubann er í gildi og viðskiptavinum bent á að hafa samband við stofnunina í gegnum síma 562 7702 / 562 7738/ 896 7701 (SMS/myndsímtal) eða tölvupóst, shh@shh.is.

Hafi viðskiptavinir okkar spurningar eða óskir varðandi táknmálstúlkun, fjartúlkun eða myndsímatúlkun er einnig hægt að senda póst á túlkaþjónustu Samskiptamiðstöðvar, tulkur@shh.is.

Hafi viðskiptvinir okkar spurningar eða óskir varðandi kennslu, þjónustu við fjölskyldur eða aðra þjónustu á vegum stofnunarinnar er einnig hægt að senda póst á Eyrúnu Helgu Aradóttur, sviðsstjóra táknmálssviðs, eyrun.aradottir@shh.is.

Grein rituð þann 01.01.1970